ധൃത്തുങ്കപുളകിത

സമയം ...ഏതാണ്ട് ഒരു ഉച്ച ..ഉച്ചര ഉച്ചേമുക്കാൽ ആയി കാണും......... 

വെള്ളിയാഴ്ച വർക്കിംഗ് ഫ്രം ഹോമിന്റെ...... ആലസ്യത്തിൽ.....

ഓൺലൈനിൽ പച്ച ലൈറ്റും കത്തിച്ച് ഉറക്കം തൂങ്ങിയിരുന്ന..... എൻറെ മുന്നിലേക്ക് ..
അതാ...... ആറ്റം ബോംബ് പോലെ ഒരു പൊതി.

"അമ്പടി....... കാശില്ല സേവ് സേവ് എന്നും പറഞ്ഞു...... എൻറെ സമാധാനം കെടുത്തുന്ന നീ..... കണ്ണിക്കണ്ട സാധനങ്ങൾ ഒക്കെ ഓർഡർ ചെയ്യുന്നതിന് മാത്രം ഒരു കുഴപ്പവുമില്ല........"

"നിന്നെ ഇന്നു ഞാൻ...."

ഹോർമൂസ് കടലിടുക്കിൽ സ്വസ്ഥമായി നങ്കൂരമിട്ടു കിടക്കുന്ന യു.എസ് യുദ്ധകപ്പൽ ലക്ഷ്യം വെച്ച് വന്ന ഇറാനിയൻ ഡ്രോൺ പോലെ

സുഖസുഷുപ്തിയിൽ ആയിരുന്ന ഈ എൻറെ......

നടുമ്പുറം നോക്കി , പാഞ്ഞു വന്ന ബ്രൗൺപേപ്പറിൽ വൃത്തിയായി പൊതിഞ്ഞ ആമസോൺ പാഴ്സൽ.....

ഒന്നേ ഒന്നര..... ഇഞ്ചിന്റെ വ്യത്യാസത്തിൽ...... മെഡുല ഒബ്ലാങ്കട്ട യിൽ ..... കൊള്ളാതെ റൈറ്റ് വളഞ്ഞ്  , 

കിടക്കയിലേക്ക് മൂക്കും കുത്തി വീണതും അവിടേതോ അജ്ഞാത സങ്കേതത്തിലേക്കത് അപ്രത്യക്ഷമായതും.... കടുകുമണിയുടെ വ്യത്യാസത്തിൽ ആയിരുന്നു.

അത്യന്തം അപ്രതീക്ഷിതവും പൈശാചികവുമായ  കടലാക്രമണത്തിൽ ഈയുള്ളവൾ തരിച്ചിക്കവേ.......

ഒരു മൂന്നു ജോഡി കണ്ണുകൾ 👀
 

അമ്മയും , അപ്പനും , അമ്മായീടെ മോളും ഒഴികെ ബാക്കി എല്ലാം കണ്ടെടുക്കാവുന്ന .... കട്ടിലിലും കിടക്കയിലും....

ഒരഞ്ചാറ് ചോദ്യ... ആശ്ചര്യ... ചിഹ്നങ്ങൾ .. കുത്തും കോമയും മേമ്പൊടി ഇട്ട്...അന്ത പാർസലിനെ .....അന്വേഷിച്ച് കൊണ്ടിരുന്നു.

പുവർ പീപ്പിൾസ്.....😅😅

തന്റേതല്ലാത്ത കാരണങ്ങൾ കൊണ്ട്, പാലത്തിൽ നിന്നും , വെള്ളത്തിൽ വീഴുന്ന നിഷ്കളങ്കരായ വാഹനങ്ങളെ .... രക്ഷിക്കുന്ന സ്ഥലം ദുരിതാശ്വാസ നായകനായ  തച്ചറായിൽ ഏജൻസീസിനെ മനസ്സിൽ പ്രണമിച്ചു  ഹേബിയസ് കോർപ്പസ് ...ഫയൽ ചെയ്തു നടത്തിയ മിസ്സിങ് ബോഡി എക്സ്പ്ളോറേഷൻ ആക്ററിവിറ്റീസിനൊടുക്കം .........

 ഐറ്റം വീണ്ടെടുത്തു...

ടി പാഴ്സലിനു പുറമേ , മൂന്ന് ഹെയർക്ളിപ്പ്, ഒരു ലേയ്സ് പാക്കറ്റ്, ഒപ്പിടാൻ വെച്ചിരുന്ന ചെക്ക് ലീഫ്  വിത്ത് പേന ഒന്ന് 

" നീയെടുത്തു ഞാനെടുത്തില്ല ....." എന്നും പറഞ്ഞു മൂന്നാം ലോക മഹായുദ്ധത്തിന്റ അടുത്ത് വരെയെത്തി..... ഡ്യൂപ്ലിക്കേറ്റ് വാങ്ങി സമരിയായി.... സമാധാന ത്തിന്റ വെളളക്കൊടി പാറിച്ച........TV യുടെ ഒന്നാം റിമോട്ട് 🙏.....

അങ്ങനെ നമ്മുടെ പാവം മരംവെട്ടുകാരന് ..... കളഞ്ഞു പോയ മഴുവിനു പകരം ബ്രാൻറ് ന്യൂ.... സ്വർണ്ണം വെള്ളി, ബ്രോൺസ്.... എന്നിങ്ങനെ ഹെവി വേർഷൻസ് കൊടുത്തു ഞെട്ടിച്ച പണ്ടത്തെ വനദേവത പോലെ 

........ആകെ  മൊത്തം  ടോട്ടൽ ഒരു വിൻവിൻ സിറ്റുവേഷൻ....😬

അന്ന പിന്നെ തുറന്നിട്ട് തന്നെ ബാക്കി കാര്യം.....
മനസ്സിൽ വിചാരിച്ചില്ല.... ബ്രൗൺപേപ്പർ കവർ ..
പീസ് പീസ് ആയി കാറ്റിൽ പറന്നു കഴിഞ്ഞിരുന്നു 

സ്പെഷ്യലി ഫോർ യു ..... എന്ന തലക്കെട്ടോടുകൂടിയ ....ഒരു ഇളം നീല പാക്കറ്റാണ്  ....

🩵🩵🩵🩵🩵🩵🩵🩵

പാക്കറ്റ് തുറന്നപ്പോഴേ...  ലാവണ്ടറിന്റെയും..... മസ്കിന്റേയും.... വിലയേറിയ സുഗന്ധം അവിടമാകെ ..... പരന്നു.............

അമ്മേ......ഹു ഈസ് ദിസ്....? സച്ച് ക്യൂട്ട് ഗുഡ്ഡീസ്...... 

നിലവിൽ കസ്റ്റഡിയിലുള്ള ഇളയ രണ്ടു ടീനേജ്കുമാരികൾ......കണ്ണിൽ  തിളങ്ങുന്ന അത്ഭുത നക്ഷത്രങ്ങളൊളിപ്പിച്ച്

ബാക്കിയായ ബ്രൗൺ പായ്കിങ് ടേപ്പും കീറി വേയ്സ്റ്റ് ബിന്നിലിടവേ,കനേഡിയൻ അംഗ്രേസിയിലുളള ആക്സൻറിട്ടു..... 

ഡയലോഗ് ഡെലിവറിക്ക് ഒപ്പം അവനവനു ആവശ്യമുള്ളത്...... അപ്പോഴേക്കും എടുത്തും കഴിഞ്ഞു....

അരോമാററിക്ക് കാൻഡിൽ മുതൽ .....
ബോഡിപോളീഷിങ് സീസാൾട്ട്, ഹാൻഡ് ക്രാഫ്റ്റഡ് സോപ്പ്....,എസ്സെൻഷ്യൽ ഓയിൽ ഇൻഫ്യൂസ്ട്  ബോഡിബട്ടർ ...എന്നു വേണ്ട ... 

ഇൻസുലേററഡ് കോഫി മഗ്ഗ്....വരെ.... അതിലുണ്ട് 

കൂടെ ഒരു ഹാൻഡ് ക്രാഫ്റ്റഡ് കാർഡും കൈയിലിടാൻ നീല മുത്തുകൾ ക്കിടയിൽ വെള്ളി ഹൃദയം കോർത്ത ബ്രേസ്‌ലെറ്റും ....

മൊത്തം ഇളം നീലമയം.....

എല്ലാറ്റിനും പുറമേ
"Some times you forget that You are Awsome.. So this is your reminder 🩵 " 

എന്ന പേഴ്സനലൈസ്ഡ് മെസേജും

ശ്ശോ  എന്റ സാറേ...

നീല കളറിലുളള ഫ്രോസൺ സിനിമ യിലെ എൽസമ്മയുടെ അവസ്ഥയായി...... എനിക്ക്

ഒരു സെക്കൻ്റിൽ.... ഞാൻ പഴേ ... പ്രീഡിഗ്രി.. ആർച്ചീസ് കാർഡ് കൗമാരക്കാരിയായ പോലെ...

എന്നാലും ആരാണ്.....
ഏതാണീ ആരാധകൻ...🤔🤔

"ഓ യൂ ലുക്ക് ഏസ് ഫ്രഷ് ഏസ് എ കുക്കുബർ.. " എന്ന് രണ്ട് ബസ്സും മാറി കയറി മുഷിഞ്ഞു വശം കെട്ടു... വീട്ടിലേക്ക് നടക്കുമ്പോൾ... രായ്ക്കു രാമാനം ആശംസിക്കുന്ന.... ചിരിക്കുമ്പോൾ തുടുക്കുന്ന കവിളുളള  റഷ്യക്കാരൻ അലക്സി.?

ഓ രേഷമീ ...യു മേയ്ഡ് മൈ ഡേ......എന്നു ഒരു കാര്യവും ഇല്ലാതെ പതപ്പിക്കുന്ന നൈജീരിയക്കാരൻ ചിഡേര .?

അതോ കണ്ണിറുക്കി ചിരിച്ചു മയക്കുന്ന ഡഗ് ...?

ആരാണാവോ ഈ പാഴ്സലിന്റ ഫ്രം അഡ്രസ്സ് 

ദ പോൾബാർബർ......?

എന്റ കണ്ണിനു മുന്നിൽ ഒരു പത്തു പതിനാറു വയസ്സ് മുതൽ..... എനിക്ക് പരിചയമുള്ള ...... നാടനും ഫോറിനും അൽസേഷ്യനും ഗോൾഡൻ  റിട്രീവർ അടക്കം...... ചങ്കുകളായ എല്ലാ അവളുമാരുടെയും അവന്മാരുടെയും മുഖങ്ങൾ സിനിമാസ്കോപ്പ് റീലു പോലെ മിന്നി മറഞ്ഞു കൊണ്ടേയിരുന്നു.....

"ടീ ആ ഹൗസ് ഓണർ ചെറ്റ സായിപ്പ് പീറ്റർ ആവും .......അയ്യാക്ക് അല്ലെങ്കിലും അന്നോട് ഒരിതുണ്ട്..........."

അതു  വരെ കൂലങ്കഷമായ ചിന്തയിലായിരുന്ന ഫിലിപ്പിൻ്റെ ആത്മഗതം ലേശം ഉച്ചത്തിലായി...😅

മെച്യൂരിറ്റിയുടെ ഉത്തുംഗ ശൃംഗനായ ..

സാൾട്ട് ആൻ്റ് പെപ്പർ ..നല്ല പകുതിയുടെ 

ഇടക്കിങ്ങനെ അപൂർവം മിന്നി മറയുന്ന പരിഭവ കാമുകഭാവം......അതിനുണ്ട് നറുതേൻത്തുളളിയേക്കാൾ മധുരം ❤️❤️

ഉവ്വാ.....പീറ്ററപ്പൻ..... സ്നേകം മൂത്ത് .... വാടക 500 ഡോളർ കൂട്ടിയേ യുള്ളൂ കഴിഞ്ഞമാസം.......

അല്ലെങ്കിലും ആർക്കുവേണം ... ആ ഓന്ത് മോറനെ.....
🤬🤬🤬🤬🤬🤬🤬🤬

ടീനേജുകാരികൾടെ... കസ്റ്റഡിയിലുള്ള ഐറ്റംസ്..തട്ടിപ്പറിച്ചെടുക്കവേ  ഞാനോർത്തു..

ഏതായാലും ... കുറച്ചുസമയത്തേക്ക് എന്നെ. ഒരു കൗമാരക്കാരിയാക്കിയ

ഫ്രോസൺ സിനിമയിലെ നീല രാജകുമാരിയാക്കിയ....

സ്നേഹത്തിൻ്റെ ... കടലാഴങ്ങളിലേക്ക് സ്ക്കൂബാ ഡൈവിങ് നടത്തിച്ച.....

എൻറെ..... പേരറിയാത്ത.... നിനക്ക്  
ഒത്തിരി ഒത്തിരി സ്നേഹം...

യെന്നാലും ആരായിരിക്കും അത്? 

ടോം ക്രൂസ് 🤔

മിനിമം....  അർജുൻ രാംപാലോ..... മിലിന്ദ്  സോമനോ ആവാനേ തരമുള്ളൂ ....

എനിക്കുറപ്പാ!!