Silence..

Now a days words have lost its charm...

Silence is in trend....

Intimidating...Dominating and Dark.

Smiles and soothing eye locks also to be faded.

Its time to get accustomed with ciphered Stares.......

Innocence has a stamp on its face engraved “the stupid ”. ..

Being Fake is in Buzz...

Strategic scheming or scheming for strategy...

Genuineness and Openness have long lost its grace

It’s time to confine the vision behind our eyeballs..

മഴ മുഖങ്ങള്‍

കറുത്തിരുണ്ട ഒരു മഴദിവസമാണിന്ന്‌.

ഫ്ളാറ്റിനു മുമ്പിലെ റോഡിനും അതിരരുകിലെ പിങ്ക്‌ ബോഗന്‍ വില്ല പടര്‍ത്തിയ മതിലിനും അപ്പുറമുള്ള ലേയ്ക്കില്‍ മഴത്തുള്ളികള്‍ കുട്ടിവൃത്തങ്ങള്‍ തീര്‍ക്കുന്നുണ്ട്‌.

വ്യായാമ ഓട്ടക്കാരും നടത്തക്കാരും അങ്ങിങ്ങ്‌ ചിതറി തണല്‍ മരച്ചുവടുകളിലും കൊച്ചു കാവല്‍ പുരകളിലും ഓരം പറ്റി നില്‍ക്കുന്നു.

ബാംഗ്ളൂരിലെ മഴക്ക്‌ ജമന്തിപ്പൂക്കളുടെ മണമാണോ.. ?

പണ്ട്‌ ദില്ലിയിലെ മഴകള്‍ക്ക്‌ പൊടിക്കാറ്റിണ്റ്റെ രൌദ്രതയും ഗന്ധവുമായിരുന്നു

നനഞ്ഞ ചെമ്പകപ്പൂക്കളുടേയും, ..ഉണങ്ങാത്ത യൂണിഫോം പാവാടയുടേയും, കഷ്ടപ്പെട്ട്‌ തേച്ചുണക്കിയെടുത്ത വെളുത്ത ഷര്‍ട്ടിണ്റ്റേയും, പുതിയ പാഠപുസ്തകങ്ങളുടേയും മണങ്ങളെയെല്ലാം ചാലിച്ച്‌ ചേര്‍ത്ത്‌ …. ഓര്‍മ്മകളിലെ കുളിരുന്ന ജൂണ്‍മാസ പെരുമഴക്കാലങ്ങള്‍.

ലേയ്ക്കിനടുത്ത സ്ക്കൂളില്‍ അസംബ്ളി തുടങ്ങിയെന്ന്‌ തോന്നുന്നു. മഴവെള്ളം കെട്ടിയ കുഴികളില്‍ ഷൂസിട്ട കാല്‌ കൊണ്ട്‌ മാറി മാറി ചവുട്ടി വെള്ളം തെറിപ്പിച്ച്‌ നിന്നിരുന്ന രണ്ട്‌ വികൃതിക്കുട്ടികള്‍ പുസ്തകസഞ്ചിയും താങ്ങി പിടിച്ച്‌ ഓടി പോയി..

സ്കൂളിണ്റ്റെ മുകളിലെ നില പുതുതായി വാര്‍ത്തതേയുള്ളൂ.പണിക്കാരും സിമണ്റ്റ്‌ ചട്ടികളും മുളങ്കാലുകലും കൊണ്ടൊരു ബഹളമായിരുന്നു കഴിഞ്ഞദിവസം അവിടെ....ഇന്നിപ്പൊ മഴയത്ത്‌ ആരെയും കാണാനില്ല...

"കണ്ണാ..നില്ലങ്കേ ..ഇപ്പടി എതുക്ക്‌ ഓടര്‍ത്‌... "

ഏതോ വികൃതിക്കണ്ണണ്റ്റെ  യശോദയമ്മ...നീട്ടിവിളിക്കുന്നത്‌  മഴക്കിടയില്‍....മറ്റൊരു സംഗീതം പോലെ............

പണ്ട്‌ കൂട്ടുകൂടാന്‍ പഠിച്ച നാളുകളില്‍ നഴ്സറിയില്‍ എനിക്കുണ്ടായിരുന്ന വികൃതിക്കൂട്ട്‌..അതും ഒരു കണ്ണന്‍ തന്നെ. 

അവണ്റ്റെ ഡോക്ടറമ്മയ്ക്ക്‌ വൈകി കിട്ടിയ ഈശ്വരണ്റ്റെ ഒരു സ്നേഹതുണ്ട്‌....

കുരിയച്ചിറ സെണ്റ്റ്‌ പോള്‍സ്‌ സ്ക്കൂളിണ്റ്റെ പണിനടന്നു കൊണ്ടിരിക്കുന്ന ആ കെട്ടിടത്തിണ്റ്റെ താഴത്തെ നിലയിലായിരുന്നു ഞങ്ങളുടെ ക്ളാസ്സ്‌.

നീളന്‍ വരാന്തയുടെ ഒരറ്റത്തുള്ള അടുത്തടുത്തായുള്ള രണ്ട്‌ ക്ളാസ്സു മുറികളിലൊന്ന്‌... .യു.കെ.ജി ബി.

ഉച്ചയൂണിണ്റ്റെ ഇടവേളകളില്‍ ഞങ്ങളുടെ കള്ളനും പോലീസും കളികളുടെ ഒരു പ്രധാന വേദിയായിരുന്നു ആ വരാന്ത.കൂട്ടിയിട്ട ഇഷ്ട്ടിക കട്ടക്കള്‍ക്ക്‌ പിന്നില്‍ ഞങ്ങള്‍ സാറ്റ്‌ കളിച്ചിരുന്നു.പിന്നീട്‌ ഇഷ്ട്ടികകളെല്ലാം  മേല്‍പുരയിലേക്ക്‌ അട്ടിയിട്ടപ്പോള്‍ ആ കളി നിന്നു.....

മഴ തിമിര്‍ത്ത ഒരു ദിവസമായിരുന്നു അന്ന്‌ .

പുതുതായി ഇട്ട കോണ്‍ക്രീറ്റ്‌ മുഴുവന്‍ ക്യുര്‍ ആകാത്ത വരാന്തയുടെ മേല്‍പ്പുരയില്‍ അട്ടിയിട്ട ഇഷ്ട്ടിക കല്ലുകള്‍ കണ്ട ഡോക്ടറമ്മയ്ക്ക്‌ തോന്നിയ ഉള്‍ഭയം ഈശ്വരന്‍ കൊടുത്ത അടയാളമായിരുന്നുവോ?  അറിയില്ല...

മഴ കാരണം ഉച്ചയൂണിനു ശേഷം വരാന്തയില്‍ മാത്രം കളിക്കാന്‍ അനുവാദംകിട്ടിയ കുഞ്ഞുങ്ങള്‍....

ആര്‍ത്തിരമ്പിയ മഴയില്‍ ...തകര്‍ന്ന്‌ വീണ സ്കൂള്‍ വരാന്ത.... 

കല്ലിനും കട്ടകള്‍ക്കും ഇടയില്‍ ഞെരുങ്ങിയമര്‍ന്ന്‌ ...പൊലിഞ്ഞില്ലാതായത്‌ ..വളര്‍ന്ന്‌ വലുതായി ആരൊക്കെയോ ആയിതീരേണ്ടിയിരുന്ന പത്ത്‌ കുരുന്ന്‌ ജീവനുകളാണ്‌...

ഉയര്‍ന്നു പോങ്ങിയ നിസ്സഹായതയുടെ കരച്ചിലുകള്‍ക്കിടയില്‍ അവരുടെ കുഞ്ഞിക്കണ്ണുകള്‍ തേടിക്കാണില്ലേ...മറഞ്ഞു നില്‍ക്കാന്‍ ..ഓടിയൊളിക്കാന്‍ അമ്മയുടെ മടിതട്ടിനായി...

കോണ്‍ക്രീറ്റ്‌ പാളികള്‍ക്കിടയില്‍ നിന്ന് ചോരപുരണ്ട കുഞ്ഞുകൈകളും...കാലുകളും...കുഞ്ഞുടലുകളും...പിന്നീട്‌ വലിച്ചെടുക്കുകയായിരുന്നു.

സെണ്റ്റ്‌ പോള്‍സ്‌ വീണു... എന്ന്‌ അടുത്ത വീട്ടിലെ റൂബി ആണ്റ്റി പരിഭ്രാന്തിയോടെ മമ്മിയോട്‌ വിളിച്ച്‌ പറഞ്ഞപ്പോള്‍.. അങ്കലപ്പോടെ, കണ്ണിലിരുട്ട്‌ കയറിയ വെപ്രാളത്തോടെ വഴിയിലേക്ക്‌ ഓടിയിറങ്ങാന്‍ തുനിയവേ...

കഴിഞ്ഞ ഒരാഴ്ചയായി...മഴ നനഞ്ഞ്‌..പനിച്ച്‌ വിറച്ച്‌ കിടക്കുന്ന മകള്‍..മുറിയിലുണ്ടെന്ന ബോധ്യം ആ അമ്മയുടെ മനസ്സില്‍ കുളിര്‍മഴ പെയ്യിച്ചിരിക്കണം....

ഡോക്ടറമ്മയുടെ കണ്ണന്‍ പോയി.... അമ്മ മനസ്സില്‍ ചുട്ട്‌ പൊള്ളൂന്ന മരുഭൂമികള്‍ മാത്രം ബാക്കി വെച്ച്‌....

കണ്ണന്‍ മാത്രമല്ല ഷോണും,ഷിജിയും ....എല്ലാരും പോയി....

ഇവരോടൊത്ത്‌ കൂട്ട്‌ കൂടി കളിച്ചിരുന്ന ഞാന്‍.... 

വിധിയുടെ അന്നത്തെ കള്ളനുംപോലീസും കളിയില്‍ കള്ളനായിരുന്നിരിക്കണം........

മരണത്തില്‍ നിന്ന് ജീവിതം തട്ടിപറിച്ചോടിയൊളിച്ച  പെരുങ്കള്ളന്‍....

മൊട്ടപഫ്സായ നമ:

എഗ് പഫ്സില്ലേ...നമ്മ്ടെ മൊട്ടപഫ്സ്
എന്താ  നിങ്ങടെ അഭിപ്രായം.... ഒരു കിടിലം സാധനമല്ലേന്ന്?..


ദിവാസ്വപ്നം കാണുന്ന  സുന്ദരിമാരുടെ പാതികൂമ്പിയ കണ്ണുകൾ പോലെ  മുഴുവൻ  മൂടാത്ത രണ്ടു കരുകരുത്ത  പഫ്സ്  പാളികൾക്കുള്ളിൽ   ഒളിച്ചിരിക്കുന്ന മുട്ടക്കുട്ടൻ.....

ഓർക്കുമ്പോൾ തന്നെ ഉള്ളിൽ ഒരു ..ഒരു ഇത് വരുന്നില്ലേ..... അതാണ്.....


പ്രസ്തുത മഹാസംഭവം....ഈയുള്ളവളുടെ ഒരു    weakness    ആയിരുന്നു എന്ന് അറിയാവുന്ന പലരും ഇതിനെ ഒരു ആയുധമായി അന്നും ഇന്നും ഉപയോഗിക്കുകയും ഉപയോഗിച്ചു കൊണ്ടിരിക്കുകയും ചെയ്യുന്നുണ്ട് എന്നത് മറ്റൊരു പരമസത്യം

എന്നാ പിന്നെ ഒരിത്തിരി ഫ്ലാഷ്ബാക്ക് ആയാലോ........

പ്രീഡിഗ്രീ രണ്ടാം... വർഷം  1994-95 കാലഘട്ടം..... ...
എക്സ്കർഷൻ ചർച്ചാ സീസൺ!!!!!!!!
കൊണ്ട് പിടിച്ച ചർച്ചകൾക്കും വോട്ടെടുപ്പിനും ശേഷം ഞങ്ങൾ ഫസ്റ്റ്ഗ്രൂപ്പുകാരും ആഞ്ഞൊന്ന് എക്സ്കർഷിക്കാൻ തീരുമാനിച്ചു...ക്ഷമിക്കുക്  Destination  ഓർമ്മയില്ല...(പത്തിരുപത് കൊല്ലം മുൻപത്തെ കാര്യമല്ലേ!!)
സംഗതി ഏതോ HillStation ലേക്കാണ്.
നമ്മുടെ എല്ലാ ഗാങ്ങും പോകുന്നു........നമ്മൾ മാത്രം മോശമായാൽ പറ്റുമോ...?
പതിയേ  വീട്ടിലേ  ലോക്കൽ കമ്മറ്റി(മമ്മി).... യിൽ തഞ്ചത്തിൽ....കാര്യം അവതരിപ്പിച്ചു...
(ലോക്കൽ കമ്മറ്റി ബില്ല് പാസ്സാക്കിയാൽ    High Commissionൽ  വല്യ പ്രശനം ഉണ്ടാവാറില്ല  സാധാരണ...........)
ദുര്യോധന വധം കഥകളിയിലെ കത്തിവേഷം നോക്കുന്ന ഒരു നോട്ടം കിട്ടി....

നോ ഡയലോഗ്..

തോം തോം തോം !!!!

നമ്മുക്ക് കമ്പ്ലീറ്റ് കാര്യം മനസ്സിലായി....... 
High Commission ൽ പോകാനേ പോയില്ല...
ഇനിയിപ്പൊ എന്ത ഒരു.....മാർഗ്ഗം....
എന്തെങ്കിലും ഉടനെ ചെയ്തില്ലങ്കിൽ...... സംഗതി പാളും!!
സോ വളരേ കൂലംകഷമായി....ചിന്തിച്ച്.......വളരേ ....കഷ്ടപ്പെട്ട് ഒരു ബുദ്ധി . അങ്ങോട്ട്..പ്രയോഗിച്ചു.....
നമ്മളാരാ മോൾ!!!
നേരെ നമ്മുടെ സുഹൃത്ത് സംഘത്തിലെ കണ്ടാൽ ഒരു നിഷ്ക്കളങ്ക ലുക്ക് ഉള്ള എല്ലാവരേയും ...വട ,ബോണ്ട .....ഇത്യാദി കൈക്കൂലികൾ ഓഫർ ചെയ്തു (കാര്യം നടക്കേണ്ടെ ഭായി!!) ചാക്കിട്ട് പിടിച്ച് ഒരുച്ച നേരത്ത് വീട്ടിൽ നിരത്തി....
"ആന്റീ രശ്മീനെ ടൂറിനു വിട്വോ...,ഞങ്ങളെല്ലാവരും പോകുന്നുണ്ട് " .......(കോറസ്സ്)
ഇൻസെറ്റിലെ  രശ്മിയുടെ  മുഖത്ത് "പാവം കുഞ്ഞാടിന്റെ"  മുഖഭാവം..
മമ്മിയുടെ  മറുപടി   yes  ചാഞ്ഞു ചാഞ്ഞില്ല .....അങ്ങനെ ആടി നിൽക്കുമ്പോഴാണ്... 
ആ അപ്രതീക്ഷിതമായ  Entry  ഉണ്ടായത്......      My Only Bro…  
എന്റെ നേരാങ്ങള ...ആരോമലാങ്ങള ..... സുമുഖന്‍, യുവകോമളന്‍ ,എം ബി എ .... 
പക്ഷെ ...ഇതു പോലൊരു ബ്രൂട്ടസ്‌ സ്വപ്നങ്ങളിൽ മാത്രം...

കോമളന്‍ വഴിയരികില്‍  പതിയിരിക്കുന്ന അപകടങ്ങളെ പറ്റി , ഭവിഷ്യത്തുകളെ പറ്റി , .... Facts , Figures, Barchart, Histogram  അടക്കം 

 എന്റെ  റ്റീമിനു  നെടുനീളത്തില്‍ ക്ളാസ്സ്‌ എടുത്ത്‌ ..

ആ ടൂറ്‍ സ്വപ്നത്തിണ്റ്റെ  ഗോളിയില്ലാ ഗോള്‍ പോസ്റ്റ്‌  ഗോളടിച്ച്‌ തകര്‍ത്തു. 

വിന്‍സി ,ഷീന  , സൊണിയ എന്നിങ്ങനെ ഞാനിറക്കിയ റൊണാള്‍ഡൊയും ,മറഡോണയും,പെലേയും  ഒക്കെ  വെറും  ഭാവാഭിനയം  മാത്രം  കാഴ്ച  വെച്ച്‌ അന്തം വിട്ടിരുന്നു
"എന്നാ  ശരി !!! ഞങ്ങൾ പോകട്ടെ ആന്റീ........."
 
"അതേ അതേ ട്യൂഷനു പോകാൻ സമയം ആയി........"


പണ്ട്    Godfather   സിനിമയിൽ  "ഇങ്ങനെ പോയാൽ ഇവര് നിന്നെ ടൂറിന് വിടില്ലാന്ന് മാത്രല്ല ചിലപ്പോ ഞങ്ങളേയും പോകാൻ സമ്മതിക്കില്ല...." എന്ന്  ജഗദീഷണ്ണൻ പറഞ്ഞ   line ൽ  ഒരു നോട്ടവും എന്നെ  നോക്കി...എന്റെ സുഹൃത്ത് സംഘം തടിതപ്പി..... ഓടിരക്ഷപ്പെട്ടു

" പിന്നേ ലവള്‍ പടകളേയും കൊണ്ട്‌ വന്നിരിക്യാ..... " 

ബ്രൂട്ടസ്‌ രണ്ട്‌ ലോഡ്‌ പുച്ഛവും സ്പോട്ടില്‍ ഡവ്ണ്‍ലോഡ്‌ ചെയ്ത്‌  ആത്മ നിര്‍വ്ര്‍തി നേടി... 

കര്‍ത്താവേ !! മാനം കപ്പലു കേറി പെനാഗി ലെക്കൊ കൊളംബിലേക്കൊ പോകുന്നതിനു മുന്നേ..എന്തെങ്കിലും ചെയ്തേ പറ്റൂ.... 
ഗാന്ധിജി യെ മനസ്സാ നമിച്ച്‌ ...... അങ്ങോട്ട്‌ തുടങ്ങി.... 

മൂരാച്ചികള്‍ തുലയട്ടെ.!!!

നിരാഹാരം!!....സത്യാഗ്രഹം!!..... നോ മിണ്ടാട്ടം !! ( ഹോ !! കാന്റീനില്‍ ചെന്നു രണ്ടു മസാല ദോശ തട്ടിയത്‌ എത്ര ബുദ്ധിയായി !!! )

ഒന്നാം ദിവസം വന്‍ വിജയം... 
രണ്ടാം ദിവസം..സംഭവ ബഹുലം... !!ഉപദേശം  !!സാന്ത്വനം ...
High commission . ന്റെ  നേരിട്ടുള്ള ഇടപെടല്‍ .. പൊടിപൂരം

 ഇല്ല ...ഇല്ല ...മരണം വരെയും സമരം ചെയ്യും.... 

ഭഗത്സിംഗ്‌ ,ലാലാ ലജ്പത്‌ റായ്‌ അങ്ങനെ ധീരവീര ഭാരത പുത്രന്‍മാരുടെ സമരവീര്യം ഉള്‍കൊണ്ട്‌...... ഈയുള്ളവളും ... 

വ്യക്തി സ്വാതന്ത്യ്ര ത്തിനു ഈ നാട്ടില്‍ ഒരു വിലയില്ലാന്നു വെച്ചാല്‍....

 ഹല്ല പിന്നെ!!! 

********************************************************************************


പതുക്കേ ..സാന്ത്വനങ്ങളും  ഭക്ഷണത്തിനുള്ള വിളികളും...നിന്നു... 


എന്തൊക്കെ ബഹളമായിരുന്നു...
താന്തിയാതോപ്പീ ...ഉണ്ണാവ്രതം ... ദണ്ഡി യാത്രാ......ഉപ്പ്‌..... @#$%&&*

പാമ്പ്‌ കടിക്കാനായിട്ട്‌ ....ടൂറിനു പോയില്ലെങ്കിലും ...ഈ സമരം ഒന്ന് ഒത്തുതീര്‍പ്പാക്കാന്‍ ഒരു മനുഷ്യക്കുഞ്ഞിനെ പോലും കാണാനില്ല... 

വല്ലതും അകത്തു പൊയിട്ടാണേ  48  മണിക്കൂറെങ്കിലും ആയി.. 

മസാല ദോശ ദഹിച്ച്‌ ... അത്‌ കിടന്നിരുന്ന സ്ഥലത്തെ കുടല്‍ കരിഞ്ഞ മണം വരെ വരാന്‍ തുടങ്ങി..


ണിം.. ണിം...

ആരോ കോളിംഗ്‌ ബെല്‍ അടിച്ചു 

അടുത്ത വീട്ടിലെ വെളുത്ത്‌ സുന്ദരിയായ ആനിയേണ്റ്റിയാണ്‌... 

വിശപ്പ്‌ മൂത്ത്‌ വെരുകിനെ വെല്ലുന്ന സ്പീഡില്‍ നടന്നു തുടങ്ങിയ ഞാന്‍ പാളി നോക്കി... 

പുത്തന്‍ യൂണിഫോറം അണിഞ്ഞിരിക്കുന്ന നഴ്സറി ക്കുട്ടികളെ പോലെ പ്ളേറ്റില്‍ നിരനിരയായി മുട്ടപഫ്സുകള്‍...
 Drawing റൂമില്‍ വമ്പന്‍ സല്‍ക്കാരം പൊടിപൊടിക്കുന്നു.. 
"ഇവര്‍ക്കെന്താ വീട്ടില്‍ ഒരു പണിയും ഇല്ലേ !!"..ഞാന്‍ നടപ്പ്‌ തുടറ്‍ന്നു...

 ക്ണിം ...ഗേറ്റ്‌ അടക്കുന്ന ശബ്ദം... 

മമ്മി  Seeing Off   യജ്ഞവുമായി  ഗേറ്റിലാണ്‌...

പ്ളേറ്റില്‍ ഒന്നും സംഭവിക്കാതെ മുട്ടപഫ്സുകള്‍ വെച്ചതു പോലെ തന്നെയിരിക്കുന്നു... ഒന്നു നുള്ളിനോവിച്ചിട്ട്‌  പോലും ഇല്ല..

 ആനിയേണ്റ്റിക്ക്‌ സ്തോത്രം !!!

അവസരം അവസരോചിതമായി ഉപയോഗിച്ച്‌.. സൂക്ഷ്മ ബുദ്ധിയോടെ കുളത്തിലേക്ക്‌ ഊളിയിടുന്ന പൊന്‍മാണ്റ്റെ അതേ വഴക്കത്തോടെ.. പഫ്സുകളിലൊന്നില്‍ പിടുത്തം മുറുക്കിയില്ല....

 "പകുതി എണ്റ്റെയാ ട്ടാ"..."അല്ലാ നെണ്റ്റെ ധര്‍ണ്ണ ഒക്കെ കഴിഞ്ഞാ.... "

വീണ്ടും ബ്രൂട്ടസ്‌... എന്തൊരു റ്റൈമിങ്ങ്‌... അപാരം !!

"ഉവ്വ കഴിഞ്ഞു !!...അതിനിപ്പ എന്താ .." 

എന്ന്‌ കാണ്ടാ മൃഗത്തെ തൊല്‍പ്പിക്കുന്ന തൊലിക്കട്ടിയോടെ പറഞ്ഞിട്ട്‌..
പ്ളേറ്റോടെ റൂമിലേക്ക്‌ സ്കൂട്ടായതും വളരേ പെട്ടന്നായിരുന്നു. 

അങ്ങനെ മുട്ടപഫ്സ്‌ പിന്നേയും താരമായി.... 

അതാ ഞാന്‍ ആദ്യേ പറഞ്ഞത്‌...

ഈ മുട്ടപഫ്സ്‌ ഒരു ജാതി സാധനാണെണ്റ്റെ ഗഡീീീീ.............